ბუსსს ანრის ხელმძღვანელობის ერთ-ერთი მთავარი პრიორიტეტია პერსონალის მუდმივი განვითარება, კვალიფიკაციის ამაღლება და თანამედროვე სტანდარტებთან შესაბამისობა. სწორედ ამ მიზნით პერსონალს ტარდება სხვადასხვა თემატური ტრენინგები.

ა/წ 30 ოქტომბერს ბუსსს ანრის პერსონალმა გაიარა ტრენინგი: „მომსახურება, კომუნიკაცია და ურთიერთობები მომხმარებელთან“.

ტრენინგის ძირითადი აქცენტები გაკეთდა შემდეგ საკითხებზე:

სამუშაო პროცესის ორგანიზება და თანამედროვე საქმისწარმოების სტანდარტები;

ეფექტური და პოზიტიური კომუნიკაციის ტექნიკები, მათ შორის რთულ და სარისკო თემებზე საუბრის სტრატეგიები;

ემოციური ინტელექტის როლი პიროვნულ და პროფესიულ წარმატებაში;

მომხმარებელთან ურთიერთობის კულტურა და სერვისის ხარისხის გაუმჯობესების გზები;

სტრესის მართვის მეთოდები და ანტიკრიზისული მიდგომები სამუშაო გარემოში.

მონაწილეებმა იმუშავეს როგორც ინდივიდუალურად, ისე ჯგუფურად — განახორციელეს პრაქტიკული დავალებები, გააანალიზეს საკუთარი ემოციები და პროფესიული კომუნიკაციის სტილი.

ტრენინგს უძღვებოდა მოწვეული ფსიქოლოგი, სოციალურ მეცნიერებათა დოქტორი, სერტიფიცირებული ტრენერი და და COS Concept of Safety-ის ტრენინგების განვითარების ლიდი სოფიო მამესწარაშვილი.

იხ.ვიდეო